நானுன்னைத் திட்டியிருப்பேன்
இரவில் படுக்கையில்
நீயென்னை விலகிப்படுப்பாய்
கட்டிலில் கொவமென்ன என்பேன்
திட்டியது நியாயமா? என்பாய்
விளக்கனணக்கும் நேரத்தில்
வழக்கெதற்கு என்பேன்
இதற்கு மட்டுமா நானென்று
இரக்கமற்றுத் திட்டுவாய்
நானும்
அட அட - நீ
திட்டுவது கூட – தேன்
சொட்டுவதுபோல் – உன்
வசைமொழி கூட
இசைமழைபோல்
என்றுன்னைப் புகழ்வேன்
உனக்கது பிடித்திருந்தாலும்
பிடிவாதத்தால் மீண்டும் முறைப்பாய்
சரி எதற்கிது என்று – நான்
சிவனேனு படுத்துவிட்டால்
நீ ஓரக்கண்ணால் – என்னை
உற்றுப்பார்ப்பாய் – நானும்
திரும்பிப்பார்ப்பேன்
அந்தப்பார்வைகள் கனைதொடுக்கும்
பின்
வழக்கை நிறுத்தி
விளக்கை அணைத்து
வழக்கம்போல் லீலை தொடரும்..!!
